Frivillegheita sin dag!

Takk til alle frivillege i Stryn kommune! Takk til deg som trenar, køyrer, kokar og finn juletre til glede for bygda di. Til deg som finn fram nissedrakta på arrangementet for barn og unge. Til deg som øver, spela og synge. Til deg som bakar, strikkar og syr. Takk til alle som set fram stolar og bord, ryddar dei på plass igjen, måkar og strør. Og takk til deg som held orden i reknskapen. Takk til alle som står på, ute, inne, dag og natt, om det er ein gong, eller kvar veke heile året. Takk til deg som er frivilleg åleine, og til dokke som er ein heil gjeng.

Takk for at dokke bidrar til aktivitet, glede og tryggleik i bygda.