Friluftslivets veke

Veka går av stabelen 5.–14. september, og er ei oppmoding til alle om å kome seg ut og oppleve naturen – anten du går ein lang fjelltur, tek ein liten tur i nærområdet eller berre finn ein fin stad å sitje ute. Friluftsliv treng ikkje vere avansert. Du treng ikkje mykje utstyr, og turen treng ikkje vere lang. Ein tur i skogen, ein sykkeltur, bål på stranda eller leik ute med barna kan vere friluftsliv.

Finn din tur!

Friluftslivets veke er ein fin anledning til å prøve noko nytt, eller kanskje berre gjere meir av det du allereie likar. Ta med ein ven, familien eller naboen – eller nyt ein tur heilt åleine.For barn og unge kan det vere ekstra fint å få oppleve at naturen er ein stad for både leik, aktivitet og fellesskap. Og kanskje treng ein ikkje alltid gå så langt? Det viktigaste er å kome seg ut.

Finn tips til turar:

https://norskfriluftsliv.no/aktivitetskalender?sok=&fylke=46&kommune=Stryn&startdato=&sluttdato=&page=1

https://nytnaturen.no/

https://www.dnt.no/dnt-der-du-er/dnt-sogn-og-fjordane/indre-nordfjord-turlag/

https://ut.no/kart/liste/50920/dagsturhyttene-sogn-og-fjordane#7.84/61.563/5.647

Legg ut eigne turar på aktivitetskalenderen til norskfriluftsliv, eller bruk appen stikkut for inspirasjon

I Stryn har vi naturen tett på, med fjord, fjell, skog, vatn og mange fine turmoglegheiter. Bruk nærmiljøet og finn ein stad som passar for deg- God tur!