-
No kan ungdomsskulel-elevar tene pengar til klassekassa gjennom dugnad!
Ved å utføre samfunnsnyttig dugnadsarbeid får ungdommane verdifull erfaring med frivillig innsats, samtidig som dei bidreg positivt i lokalsamfunnet og tener pengar til klassekassa. Søknad skjer enkelt gjennom eit digitalt skjema, og det er inga søknadsfrist.
Gratulere med dagen!
I dag, 8. mai, markerer vi ein av dei viktigaste dagane i norsk historie.Den 8. mai 1945 kapitulerte dei tyske styrkane i Noreg etter fem år med okkupasjon. Gleda over fridomen var enorm. Folk samla seg i gatene, flagga vart heiste, og landet kunne endeleg starte arbeidet med å byggje opp att eit fritt og demokratisk samfunn. Frigjeringsdagen minner oss om kor viktig det er å verne om fred, demokrati og menneskerettar – verdiar som ikkje kan takast for gitt.
Samtidig er dagen også ein veterandag. Vi heidrar kvinner og menn som har gjort teneste for Noreg, både heime og ute. Mange har delteke i krevjande oppdrag for å skape tryggleik, hjelpe sivile og bidra til fred i andre delar av verda. Veterandagen gir oss høve til å vise takksemd og respekt for innsatsen deira.
8. mai er òg den internasjonale dagen til Røde Kors. Denne dagen blir markert over heile verda til minne om fødselsdagen til grunnleggjaren Henry Dunant, som stod bak ideen om nøytral hjelp til menneske i krig og katastrofar. Røde Kors arbeider kvar dag for å hjelpe menneske i nød – både internasjonalt og lokalt. Frivillige stiller opp når ulukker skjer, når menneske treng omsorg, eller når nokon føler seg aleine.
Del på:
Flere nyheter
-
Idag er det ikkje lenger lov til å brenne bål- kan du reglane for bål og ferdsel i naturen?
I Noreg er det eit generelt bålforbud fra 15. april til 15. september kvart år
-
Folkehelseundersøkinga 2026
I april 2026 får eit utval av innbyggjarar i Vestland over 18 år invitasjon til å delta i folkehelseundersøkinga. Undersøkinga er nettbasert, og dei som er plukka ut, får invitasjon på SMS eller e-post.
-
Vårryddeaksjon
Stryn kommune og Fjordane Friluftsråd inviterer til årets vårryddeaksjon. Vi håpar lag, organisasjonar og enkeltpersonar ynskjer å gjere ein innsats for å halde nærområda fri for avfall. Les meir på Stryn kommune sine heimesider.
-
Rock your socks- rokkesokk!
Kvart år den 21. mars markerer verda World Down Syndrome Day. I Noreg har markeringa fått namnet Rockesokk, og oppmodinga er enkel: Ta på deg to ulike sokkar denne dagen.