Hovudluskampanje 7. og 8. mars

Målet med kampanjen er enkelt: Alle føresette blir oppmoda til å sjekke barna sine for hovudlus same helg. Når mange sjekkar samtidig, er det lettare å oppdage og behandle lus raskt – og slik hindre vidare smitte. Det er viktig å sjekke jamleg for lus. Mange har lus utan å merke det. Sjekk særleg når du mistenkjer lus, det er lus i omgangskrinsen, og ved hovudluskampanjar. Oppdagar du lus, bør du kome raskt i gang med behandling. 

Lusesjekk i fuktig hår:

- Fukt håret og bruk gjerne balsam.
- Legg eit kvitt handkle over skuldrene.
- Bruk lusekam.
- Ver systematisk og grei nøye gjennom alt håret frå hovudbotnen og ut til hårtuppane.
- Tørk av kammen jamleg på eit papir for å sjå etter lus. Etter eit par minutt vil du sjå om eventuelle lus rører på seg.
- Sjekk også både handkle og kam for lus og egg.
- Bruk gjerne forstørringsglas og godt lys. Då er det enklare å få auge på både lus og egg.

Lusesjekk i tørt hår

Lat den som blir greidd stå bøygd over eit stort kvitt ark. Grei frå hovudbotnen og ned mot arket. Sjekk både arket og kammen for lus og egg.

Dersom du finn levande lus, start behandling med ein gong og informer skulen eller barnehagen. Barn kan gå på skule og i barnehage dagen etter at behandling er starta.