-
Nasjonal varslingsprøve onsdag 14.januar
Onsdag 14 januar klokka 12 vert Naudvarsel testa på mobil og Sivilforsvarets varslingsanlegg over heile Noreg i ei felles nasjonal varslingsprøve.
Tilskotsordning: ABC i Stryn – samhandling for god psykisk helse
Stryn kommune lyser ut tilskotsmidlar til frivillige lag og organisasjonar gjennom satsinga ABC i Stryn – samhandling for god psykisk helse. Ordninga skal bidra til betre psykisk helse, inkludering og fellesskap i lokalsamfunnet.Stryn kommune har motteke 150 000 kroner i tilskot frå Vestland fylkeskommune til formålet.
ABC-modellen
Tiltaka skal byggje på ABC-modellen for god psykisk helse:
A – Gjer noko aktivt
B – Gjer noko saman
C – Gjer noko meiningsfullt
Fristar:
Søknadsfrist: 28. januar 2026
Tiltaket må vere gjennomført innan 15. juni 2026
Kven kan søkje?
Frivillige lag, foreiningar og organisasjonar i Stryn kommune som tilbyr aktivitetar retta mot éi eller fleire av desse målgruppene:
- Barn og unge (6–16 år)
- Ungdom og studentar (14–25 år)
- Eldre (65+)
- Minoritetar
- Låginntektsfamiliar
- Personar med funksjonsnedsetting
- Nybakte foreldre
Kva tiltak kan få støtte?
Vi gir støtte til tiltak som:
- fremjar aktivitet, fellesskap og meining
- skaper inkluderande møteplassar
- bidreg til å redusere utanforskap
- legg til rette for samarbeid mellom frivillig sektor og lokale aktørar
- er opne og tilgjengelege for målgruppene
- kan gjennomførast innan 2026
Døme på tiltak kan vere
men er ikkje avgrensa til:
- fellesarrangement
- opne aktivitetstilbod
- kurs og verkstader
- generasjonsmøte
- aktivitetsgrupper
- kultur- og friluftsprosjekt
Kva kan det søkjast om?
Tilskot kan dekke:
- utstyr og forbruksmateriell til aktivitet
- gjennomføring av arrangement
- transport og tilrettelegging
- opplæring av frivillige
- marknadsføring/informasjon
- andre kostnader direkte knytt til tiltaket
Det vert normalt ikkje gitt støtte til:
- ordinær drift
- lønn/stillingar (utanom kortvarig instruksjon eller honorar)
Trykk HER for å kome til skjemaet
Del på:
Flere nyheter
-
Dyrkar du bær – eller har du lyst til å starte med bærproduksjon? Då håpar vi du vil bli med på ei kjekk og inspirerande samling på Innvik fruktlager!
-
Teater Vestland kjem til Aldaheim og Trudvang!
I mars kjem Vestland Teater tilbake til Olden og Oppstryn med teater, denne gongen for barn!
-
Har du kasta ut jula alt?
Når skal julepynten og nissane ryddast vekk? Kvart år, når dei siste kakene er etne og kvardagen sakte men sikkert vender tilbake, kjem det same spørsmålet: Når skal eigentleg jula ryddast ut? Svaret har variert gjennom tidene – og gjer det framleis – alt etter tradisjon, livssyn og moderne tid.
-
No kan du som bur i Stryn søke om sletting av studielån!
Dersom du bur i ein mindre sentral kommune 6 og er yrkesaktiv i eller utanfor kommunen, kan du få sletta 25 000 kroner av studielånet kvart år. Denne ordninga er ny. Opptening etter ordninga kan tidlegast reknast frå 1. januar 2025.