No kan du som bur i Stryn søke om sletting av studielån!

Kven kan få sletta studielån?

For å få sletta lån må du oppfylle desse krava i 12 samanhengande månader (oppteningsperioden):

• Du må bu i ein mindre sentral kommune (klasse 5 eller 6 på sentralitetsindeksen)

• Du må vere yrkesaktiv, anten i kommunen du bur i eller utanfor.
  
  

Lån kan slettast når du har oppfylt vilkåra i oppteningsperioden. Opptening etter den nye ordninga kan tidlegast reknast frå 1. januar 2025.

Dersom du både bur og arbeider i Finnmark eller Nord-Troms, kan du få sletta lån etter ordninga som gjeld for denne regionen (innsatssona), uavhengig av kva sentralitetsklasse kommunen har.
Les meir om ordninga for Finnmark og Nord-Troms.

Du må bu i ein godkjend kommune

For å få sletta gjeld må du bu i ein godkjend kommune i ein oppteningsperiode på 12 samanhengande månader. Med godkjend kommune meiner vi ein kommune i klasse 5 eller 6 på sentralitetsindeksen til Statistisk sentralbyrå.

Å bu i kommunen inneber at du både må vere folkeregistrert der og faktisk bu der.

Sjå liste over kommunar der du kan få sletta studielån.

Du må vere yrkesaktiv

Du må vere yrkesaktiv, men det er ikkje eit krav at du arbeider i kommunen du bur i. Du treng heller ikkje vere heiltidsansett for å bli rekna som yrkesaktiv, men du må oppfylle minst eitt av punkta under:

• Arbeid i minst 50 prosent stilling

• Fulltidsarbeid i minst seks månader av oppteningsperioden, og vere registrert arbeidssøkjar hos Nav dei resterande seks månadene

• Omsorg for barn fødde i 2016 eller seinare, eller særleg tyngjande omsorgsoppgåver i nær familie

Du kan lese meir og søke HER