-
Idag er det ikkje lenger lov til å brenne bål- kan du reglane for bål og ferdsel i naturen?
I Noreg er det eit generelt bålforbud fra 15. april til 15. september kvart år
Røykvarslar-dagen: Ein enkel sjekk som kan redde liv
Kvart år den 1. desember markerer vi Røykvarslar-dagen i Noreg. Dette er ein nasjonal påminning om kor viktig det er å ha fungerande røykvarslarar – og om at dei må testast jamleg. Brann i bustad tek liv kvart år, og ofte er manglande eller feil røykvarslar ei avgjerande årsak til at folk ikkje kjem seg ut i tide.Dette bør du gjere på Røykvarslar-dagen
1. Test alle røykvarslarane i heimen
Trykk på testknappen. Pipar det høgt og tydeleg? Då fungerer alarmen slik den skal- har du kopla røykvarslaren til ein app? Sjekk at alt fungerar her også. Det kan også være en fordel å forsiktig støvsuge røykvarsleren jevnlig
2. Bytt batteri – same om det trengst eller ikkje
Ein enkel regel: nytt år, nytt batteri. Då slepp du å lure på kor lenge det er sidan sist.
3. Sjekk alder på røykvarslaren- dei går ut på dato!
Røykvarslarar varer vanlegvis i 8–10 år. Er dei eldre enn dette bør dei bytast ut. På baksida finn du produksjonsdato.
4. Sørg for god plassering
Røykvarslarar bør plasserast i alle opphaldsrom og i gangen utanfor soveromma. Store bustadar treng fleire einingar.
5. Kople saman røykvarslarane
Er dei seriekopla, vil alle varsle samtidig dersom ein oppdagar røyk. Dette gir betre tryggleik – spesielt om brannen startar langt frå der du søv.
Eit felles ansvar
Røykvarslar-dagen er også ein god anledning til å minne familie, vener og naboar om å sjekke varslingsutstyret sitt. For eldre eller personar med funksjonsnedsetjingar kan det vere ekstra viktig med litt hjelp til å få dette gjort.
Kommunar, skular og frivillige organisasjonar bruker ofte dagen til å skape merksemd om brannførebygging gjennom kampanjar og aktivitetsdagar. Å bruke nokre minutt på å teste røykvarslaren er ei enkel handling – men den kan redde liv.
Oppsummering
Test røykvarslarane
Bytt batteri
Sjekk alder
Sikre god plassering
Seriekople om mogleg
1. desember er dagen – men gode rutinar året gjennom er det som skapar reell tryggleik.
Del på:
Flere nyheter
-
Folkehelseundersøkinga 2026
I april 2026 får eit utval av innbyggjarar i Vestland over 18 år invitasjon til å delta i folkehelseundersøkinga. Undersøkinga er nettbasert, og dei som er plukka ut, får invitasjon på SMS eller e-post.
-
Vårryddeaksjon
Stryn kommune og Fjordane Friluftsråd inviterer til årets vårryddeaksjon. Vi håpar lag, organisasjonar og enkeltpersonar ynskjer å gjere ein innsats for å halde nærområda fri for avfall. Les meir på Stryn kommune sine heimesider.
-
Rock your socks- rokkesokk!
Kvart år den 21. mars markerer verda World Down Syndrome Day. I Noreg har markeringa fått namnet Rockesokk, og oppmodinga er enkel: Ta på deg to ulike sokkar denne dagen.
-
Å stille klokka – kvifor gjer vi det eigentleg?
To gonger i året må mange av oss hugse det same: Klokka skal stillast. Om våren stiller vi klokka fram ein time, og om hausten stiller vi ho tilbake igjen. For mange betyr det ei litt trøytt morgon i mars – og ei ekstra time søvn ein gong i oktober. Men kvifor gjer vi dette, og kva betyr det i praksis?