-
2. desember er slettedagen- Oppmodar til digital dugnad
2. desember vert nordmenn blir oppmoda til å rydde opp i sitt digitale liv. Målet er både å skape betre oversikt i eigne digitale arkiv og å redusere det klimaavtrykket som ubrukte filer, appar og datatrafikk fører med seg.
No kan endå fleire reise med bestillingsbuss!
Frå 23. juni kjem nye bestillingstilbod i delar av Nordfjord. Her finn du oversikt over kva tilbod Stryn får med Skyss Bestilling.Skyss Bestilling er bestillingsbussar som køyrer når nokon har bestilt dei. Tilbodet er for alle, og det er godt tilrettelagt for personar med funksjonsvariasjonar. Du kan for eksempel bestille ein tur dersom du skal på butikken, på trening, til legen eller på besøk.
Frå 23. juni blir tilbodet med bestillingsbuss betre og tilgjengeleg for fleire.
Skyss Bestilling - bussen kjem når det passar for deg
Du bestiller bussen til det tidspunktet og frå den staden som passar for deg. Bussen hentar deg der du er, og køyrer deg dit du skal. Tilbodet gjeld i eit bestemt nærområde og innanfor ein fast tidsperiode.
Kvar og når kan du reise?
Bussen køyrer i området frå Bergsida og Vinsrygg i vest, Hogane i nord, Loen i aust og Olden i sør.
På fredagar køyrer bussen i eit litt større område. Då kan du også reise frå Hopland og Markane i vest. Sjå detaljert kart i appen Skyss Bestilling.
Du kan reise
- måndag-fredag mellom kl. 09.00 og 13.30.
Bussen køyrer ikkje på heilagdagar.
Bestillingsfrist
Du kan bestille bussen så tidleg som sju dagar i forvegen, og så seint som 30 minutt før avreise. Dersom fleire skal reise på same tid som deg, kan det bli inntil 15 minutt å vente. Du får informasjon i appen eller på tekstmelding om nøyaktig når bussen kjem.
Dersom du ønsker å reise på faste dagar, kan du bestille fleire turar for inntil ein månad fram i tid.
Skyss Bestilling køyrer innanfor dei markerte områda.
Skyss Bestilling med faste ruter på faste dagar
Bussen køyrer langs ei fast rute og tek små avstikkarar for å hente deg der du er, og køyre deg dit du skal. Ruta går på faste dagar og tidspunkt, men berre dersom nokon har bestilt. Tilbodet er ope for alle, og det er godt tilrettelagt for personar med funksjonsvariasjonar.
| Ruter | Dag ruta går | Klokkeslett |
|---|---|---|
| Oldedalen–Olden | Torsdag | Ankomst Olden ca. kl. 10.30 |
| Olden–Oldedalen | Torsdag | Avreise Olden kl. 13.00 |
Bestillingsfristener to timar før avreise.
Trygge heimreiser med Skyss Bestilling
Vi køyrer langs faste ruter på kveld og natt, og tek små avstikkarar for å køyre deg så nært som mogleg dit du skal. Tilbodet er ope for alle. Er det ikkje plass til alle, vil dei unge bli prioritert.
| Ruter | Dag ruta går | Avreise kl. |
|---|---|---|
| Stryn–Hopland | Søndag | 02.30 |
| Stryn–Hjelledalen | Søndag | 02.30 |
| Loen–Lodalen | Søndag | 02.30 |
Bestillingsfristener kl. 20.00 på laurdag.
Du kan bestille på ulike måtar:
- Last ned appen Skyss Bestillingfrå App Store eller Google Play
- Bestill reisa di på bestilling.skyss.no.
- Ring oss på55 55 90 99 måndag–fredag mellom klokka 08.00-17.00.
Når du har bestilt vil du få informasjon om nøyaktig når du blir henta. Dersom mange skal reise samtidig, kan det blir litt ventetid.
Dersom du ønsker å reise på faste dagar, kan du bestille fleire turar for inntil ein månad fram i tid.
Billett og pris
Du kjøper billett i appen Skyss Billett, om bord med kontantar eller bankkort, på SMS eller i nettbutikken. Skyss Bestilling har vanleg billettpris, og du kan bruke periodebillett dersom du har det.
Skal du ha med barnevogn eller rullestol, gjeld dei same reglane som på andre bussar.Her finn du nyttig informasjon om reiser med barnevogn og rullestol
Lurer du på noko?
Du kan kontakte oss måndag til fredag mellom klokka 08.00 og 17.00. Ring oss på 55 55 90 99, så hjelper vi deg.
Sjå Skyss sine nettsider her
Del på:
Flere nyheter
-
Invitasjon til folkemøter- Stryn kommune lagar plan for helse
I samfunnsplanen for Stryn kommune som gjeld fram til 2035 er eit av måla: Ein god stad å bu for alle heile livet
-
Julevarme i Stryn 2025
Gjer deg klar for ein magisk kveld med «Julevarme i Stryn»! Den 11. desember fra kl. 18:00 til 19:30 kan du oppleve artisten Line Dybedal, som saman med fleire musikalske ungdomstalent frå vår eiga bygd skal fylle rommet med varme og vakre tonar og ei deilig førjulsstemning.
-
Røykvarslar-dagen: Ein enkel sjekk som kan redde liv
Kvart år den 1. desember markerer vi Røykvarslar-dagen i Noreg. Dette er ein nasjonal påminning om kor viktig det er å ha fungerande røykvarslarar – og om at dei må testast jamleg. Brann i bustad tek liv kvart år, og ofte er manglande eller feil røykvarslar ei avgjerande årsak til at folk ikkje kjem seg ut i tide.
-
Stryn Arbeidssenter feirar 40 år!
Torsdag 27. november inviterer vi heile bygda til å feire vårt 40-årsjubileum i Grandevegen 7. Her blir det god stemning, nykokt kaffi, søte kaker – og ikkje minst hyggeleg lag med både gamle og nye kjenningar. Ta turen innom og bli med når vi markerer fire tiår med arbeidsglede, fellesskap og stoltheit!