-
2. desember er slettedagen- Oppmodar til digital dugnad
2. desember vert nordmenn blir oppmoda til å rydde opp i sitt digitale liv. Målet er både å skape betre oversikt i eigne digitale arkiv og å redusere det klimaavtrykket som ubrukte filer, appar og datatrafikk fører med seg.
Vil du vere med å gjøre ein skilnad i borns liv?
Stryn kommune søkjer pensjonistar til å delta i vårt pilotprosjekt "Eldre som ressurs". Pilotprosjektet har vore ein stor suksess, med aktivitetar som kort- og brettspel, baking, påskeverkstad og planting saman med borna ved Tonning barneskule SFO 1.–2. klasse.Prosjektet varer ut 2025 og har som mål å skape meiningsfulle relasjonar mellom eldre og unge, samt fremje aktivitet og samhandling i nærmiljøet. Vi ønskjer å utvide modellen til andre bygder for å skape liknande positive effektar i fleire lokalsamfunn og etablere faste møteplassar.
Kva inneber prosjektet?
• Skape møteplassar: Vi etablerer faste arenaer der eldre og born kan vere aktive saman.
• Fysisk og psykisk helse: Bidra til betre helse for både eldre og born gjennom felles aktivitetar.
• Kjensla av å vere nødvendig: Gje eldre ei kjensle av å vere ein viktig del av samfunnet.
• Førebyggje utanforskap: Skape inkludering og fellesskap på tvers av generasjonar og etnisitetar.
• Kulturarv: Formidle historie og kultur gjennom samhandling og aktivitetar.
Kvar og når?
Førebels er prosjektet på ulike arenaer i Stryn, onsdagar kl. 11–13. I dag har vi desse arenaene:
• Frivilligsentralen med Triangelen
• Stryn Turn og Idrettslag med Basishallen
Vi oppmodar alle bygdene til å skape sine eigne, lokale møteplassar. Ta kontakt dersom du ønskjer å starte opp ein liknande modell i di bygd og ditt lokalmiljø.
Korleis kan du bidra?
Vi søkjer pensjonistar som ønskjer å delta aktivt i prosjektet og bidra med si tid og erfaring. Du vil vere med på å skape ein positiv og inkluderande atmosfære for borna, samtidig som du får moglegheita til å vere sosial og aktiv. Borna treng deg!
Interessert?
Ta kontakt med fritidskoordinator Siri Linn Opsahl på e-post: siri.opsahl@stryn.kommune.no for meir informasjon og påmelding. Vi ser fram til å høyre frå deg!
Del på:
Flere nyheter
-
Invitasjon til folkemøter- Stryn kommune lagar plan for helse
I samfunnsplanen for Stryn kommune som gjeld fram til 2035 er eit av måla: Ein god stad å bu for alle heile livet
-
Julevarme i Stryn 2025
Gjer deg klar for ein magisk kveld med «Julevarme i Stryn»! Den 11. desember fra kl. 18:00 til 19:30 kan du oppleve artisten Line Dybedal, som saman med fleire musikalske ungdomstalent frå vår eiga bygd skal fylle rommet med varme og vakre tonar og ei deilig førjulsstemning.
-
Røykvarslar-dagen: Ein enkel sjekk som kan redde liv
Kvart år den 1. desember markerer vi Røykvarslar-dagen i Noreg. Dette er ein nasjonal påminning om kor viktig det er å ha fungerande røykvarslarar – og om at dei må testast jamleg. Brann i bustad tek liv kvart år, og ofte er manglande eller feil røykvarslar ei avgjerande årsak til at folk ikkje kjem seg ut i tide.
-
Stryn Arbeidssenter feirar 40 år!
Torsdag 27. november inviterer vi heile bygda til å feire vårt 40-årsjubileum i Grandevegen 7. Her blir det god stemning, nykokt kaffi, søte kaker – og ikkje minst hyggeleg lag med både gamle og nye kjenningar. Ta turen innom og bli med når vi markerer fire tiår med arbeidsglede, fellesskap og stoltheit!