Redd biene!

Redd biene – kampen mot varroa

Biene spelar ei avgjerande rolle i pollinering av både ville plantar og mange av matplantene våre. Dei er viktige for matproduksjonen og for naturmangfaldet. Men biene er utsett for fleire alvorlege trugslar!

Kva kan vi gjere?
Det viktigaste er at birøktarar overvaker og behandlar kubene sine jamleg. Nokre tiltak inkluderer:

• Bruk av oksalsyre og maursyre for å redusere mengda midd.

• Rotasjon og fornying av vokstavler for å hindre opphoping av smittestoff.

• Bruk av bier som er avla for varroaresistens.

• Fjerning av droneyngel, som midden føretrekk å formere seg

Kva er varroa?
Varroamidd (Varroa destructor) er ein parasitt som angrip honningbier. Den festar seg på biene og larvane deira, og svekkjer dei ved å suge blod (hemolymfe). Midden spreier òg virus som kan vere dødelege for bienesamfunnet. Dersom ein ikkje set i verk tiltak, kan heile kuber døy ut på grunn av varroa.

Alle kan bidra
Sel du honning eller driv med birøkt, er det viktig å følgje reglane for kontroll av varroa og melde frå til Mattilsynet ved sjukdom. Også du som ikkje har bier kan hjelpe: 

• Plant bievenlege blomar
• Unngå sprøytemiddel i hagen 
• Støtt lokal birøkt.

Om vi tek vare på biene, tek vi vare på naturen – og framtida vår.

Opp mot 30 prosent av den maten vi spiser er direkte eller indirekte avhengig av bestøvningen som bier gjer. Ei honningbie produserar ca ei teskje honning i løpet av sitt korte liv. For å produsere ein kilo må biene fly ein distanse som tilsvarar omtrent tre gonger rundt jorda. Tolv av artene har ikkje vore observert i Norge på 50 år, og er sannsynligvis utdøydd! Ganske mange av dei andre fins berre på nokre få stadar og står derfor i stor fare for å forsvinne heilt. 

Generelt er alt som gjer at blomsterenger forsvinn, dårlege nyhender for biene, det gjeld også sprøytemidlar og klimaendringar. Biehotell, insektvennlige planter, unngå plantevernmidlar og la hagen gro, er nokre av tiltaka du kan gjere for å bidra til å redde biene og pollinerande insekt.