-
Gratulere med dagen!
I dag, 8. mai, markerer vi ein av dei viktigaste dagane i norsk historie.
Gratulere med dagen- 8mai!
Idag hedra vi friheita, og alle dei som har gjort ein innsats, nasjonalt og internasjonalt, for å skape fred og tryggleik.8. mai 1945 vart Noreg fritt etter fem års okkupasjon under andre verdskrig. Sidan har vi feira frigjeringsdagen kvart år. Vi brukar denne dagen til å glede oss over eit fritt og demokratisk Noreg og samtidig hylle alle dei– motstandsfolk, krigsseglarar og sivile– som tok opp kampen mot okkupantene.
Sidan 1945 har over 100 000 nordmenn tenestegjort i rundt hundre internasjonale operasjonar for fred og stabilitet verda over. I 2011 etablerte regjeringa veterandagen. Denne vart samkjørt med frigjeringsdagen, som fekk namnet frigjerings- og veterandagen.
I år markerar Stryn kommune veterandagen med arrangement i Oppstryn og Stryn kulturhus:
Oppstryn kyrkje kl 17:00
• Markering ved minnesteinen over dei falne i krigen
• Musikalsk innslag ved Anders Viktor Kvile
• Kransenedlegging
ved leiar NVIO Sogn og Fjordane Jan Kai Torvanger
• Tale ved varaordførar Sonja Øvre-Flo
• Musikalsk innslag
Stryn kulturhus kl 18:00-20:00
Velkomen ved Stryn kommune
• Innlegg om Rasmus Hatledal, sjef for Generalstaben 9. april
ved Inge Fænn
• Kulturelt innslag
• Presentasjon av Veteranplanen ved Nils Petter Hauge
• Konferansier: Nils Petter Hauge
• Mingling, kake og kaffi i foajeen kl 19.00
• Gratis arrangement i Storsalen
• Alle velkomne!
• Veteranar med familiar er særskilt inviterte
8.mai er også den internasjonale Røde Kors dagen, etter grunnleggaren Henry Dunant sin fødselsdag.
Del på:
Flere nyheter
-
No kan ungdomsskulel-elevar tene pengar til klassekassa gjennom dugnad!
Ved å utføre samfunnsnyttig dugnadsarbeid får ungdommane verdifull erfaring med frivillig innsats, samtidig som dei bidreg positivt i lokalsamfunnet og tener pengar til klassekassa. Søknad skjer enkelt gjennom eit digitalt skjema, og det er inga søknadsfrist.
-
Idag er det ikkje lenger lov til å brenne bål- kan du reglane for bål og ferdsel i naturen?
I Noreg er det eit generelt bålforbud fra 15. april til 15. september kvart år
-
Folkehelseundersøkinga 2026
I april 2026 får eit utval av innbyggjarar i Vestland over 18 år invitasjon til å delta i folkehelseundersøkinga. Undersøkinga er nettbasert, og dei som er plukka ut, får invitasjon på SMS eller e-post.
-
Vårryddeaksjon
Stryn kommune og Fjordane Friluftsråd inviterer til årets vårryddeaksjon. Vi håpar lag, organisasjonar og enkeltpersonar ynskjer å gjere ein innsats for å halde nærområda fri for avfall. Les meir på Stryn kommune sine heimesider.