Årets Frivilligpris er kåra!

Årets prisvinnar er den yngste gjennom tidene.
 Det kan også godt vere at ho er ein av dei som har lengst fartstid som frivillig her, i tillegg til leiarverv og drivkraft i vår kommune. I 44 år inkludert dei åra ho var vekke i utdanning vore frivillig og ei eldsjel. Gloppen og Hamar har hatt gleda av å ha vår vinnar i det frivillige virket der. 

Det heile starta rundt kjøkkenbordet i heimen. Ei mor som tende gnisten i å sjå urettferd i verda. 

Ho samla naboungar rundt same bordet og med hjelp av mor laga dei fine ting og selde desse tinga til inntekt for Redd Barna. 

Perleklubben besto i mange år, og heile tida med same mottakar av pengane dei samla inn. Barn hjelper Barn gjennom Redd Barna.

I tillegg skal vi nemne på rekk og rad:

Folkedansinstruktør i Stryn Ungdomslag 

Aspirantinstruktør Korps

Korleiar for fleire barnekor, ungdomskor og blandakor

Dirigent for Stryn skulekorps

Leiar for Stryn Ungdomslag

Instruktør for Babysong gruppa

Aktivitetsleiar på måndagsdiskotek for psykisk utviklingshemma

Oppmann i handball G 14

Teaterinstruktør for ulike oppsettingar

Medarrangør for kulturnatt

Soknerådet

Scenekunstlinja på Flo aktivitetsveke

Musikalsk leiar for Fargespel Stryn

Kasserer i Redd Barna Stryn

Som de høyrer, er barn og unge ein raud tråd gjennom alt arbeid denne personen har driv med alle desse åra. Dei aller fleste barn her i sentrum har vore i kontakt med henne i kulturlivet vårt. 

Kvar ei bygd skulle vore velsinga av ei kraft som 

BJØRG JORUNN VINSRYGG STEEN.

Stryn Frivilligsentral  og alle her i salen gratulerer så mykje med velfortent pris.

Foto: Roger Oldeide Fjordingen