-
Vårryddeaksjon
Stryn kommune og Fjordane Friluftsråd inviterer til årets vårryddeaksjon. Vi håpar lag, organisasjonar og enkeltpersonar ynskjer å gjere ein innsats for å halde nærområda fri for avfall. Les meir på Stryn kommune sine heimesider.
ALLE MED-dugnad og Kulturstove
25. april arrangerte Stryn kommune ALLEMED-dugnad. Over 70 engasjerte personar frå frivilligheit, kommune og næringsliv møtte opp for å komme opp med løysingar for å inkludere alle barn og unge i fritidsaktivitet.Løysingane med flest stemmer var:
1. Fleire opne møteplassar for barn og unge.
2. “Tilflyttarteneste”
3. Løfte eksisterande støtteordningar.
Kommunen har eit overordna ansvar for å følgje opp løysingane og dei som tok på seg ansvaret for løysingane, og vil fortsette med det utover hausten. Eit av tiltaka som er ei oppfølging etter dugnaden er Kulturstove – ein open møteplass i kulturhuset etter skuletid for 4. - 7. trinn.
Kulturhuset vil med støtte av midlar frå Barne- og familiedirektoratet skape ein open møteplass for 4.-7. trinn etter skuletid annankvar torsdag i kulturhuset. Møteplassen vil vere open frå 14.30-17.00. Den opne møteplassen vil heite Kulturstove for å bygge på kommunedelplan for kultur sine mål om at kulturhuset skal vere Stryn si storstove. Utover spel, mat og diverse andre aktivitetar ønskjer vi at den opne møteplassen blir fylt med spennande, og gjerne kulturelle og kreative aktivitetar for målgruppa.
Vi inviterer frivilligheita til å vere med, med det de er gode på! Dette er eit høve til å vise fram sin aktivitet og rekruttere nye medlemmer og deltakarar til dykkar aktivitet. Ein aktivitet kan til dømes vere frå 16 til 17. Døme på aktivitetar kan vere kunstverkstad, spikking, sykurs, gaming, baking, fotokurs, konsert, dansekurs eller oppvising av anna slag. Vi er opne for alle forslag til aktivitetar som kan treffe målgruppa, og det treng ikkje vere eit stort opplegg. Stryn kommune vil dekke eventuelle utlegg de har til aktiviteten etter nærare avtale. Aktiviteten skal vere mogleg å vere med på utan påmelding.
Om nokon er interesserte i å høyre meir om, eller vere med på prosjektet, ta kontakt med Ingrid Heieren Sølvberg (ingrid.heieren@stryn.kommune.no) ved kulturkontoret for meir informasjon.
Del på:
Flere nyheter
-
Rock your socks- rokkesokk!
Kvart år den 21. mars markerer verda World Down Syndrome Day. I Noreg har markeringa fått namnet Rockesokk, og oppmodinga er enkel: Ta på deg to ulike sokkar denne dagen.
-
Å stille klokka – kvifor gjer vi det eigentleg?
To gonger i året må mange av oss hugse det same: Klokka skal stillast. Om våren stiller vi klokka fram ein time, og om hausten stiller vi ho tilbake igjen. For mange betyr det ei litt trøytt morgon i mars – og ei ekstra time søvn ein gong i oktober. Men kvifor gjer vi dette, og kva betyr det i praksis?
-
Bli med på vårryddedagen 21. mars
Når snøen smeltar og våren nærmar seg, kjem også mykje av søppelet som har lege skjult gjennom vinteren til syne. Laurdag 21. mars 2026 oppmodar Naturvernforbundet folk over heile landet til å bli med på vårryddedagen – ein dugnad for naturen før fuglane kjem tilbake til hekkeplassane sine.
-
Bli med på årets viktigste søndagstur til inntekt for kreftforskning!
Søndag 15. mars går kreftforeningens innsamlingsaksjon av stabelen! Kreft rører ved svært mange. Nesten alle kjenner nokon som har fått sjukdomen – ein ven, ein kollega eller eit familiemedlem. Difor er engasjementet rundt aksjonen stort, og kvart år bidreg frivillige, bedrifter, skular og lokalsamfunn til å skape merksemd og samle inn midlar.