-
Rock your socks- rokkesokk!
Kvart år den 21. mars markerer verda World Down Syndrome Day. I Noreg har markeringa fått namnet Rockesokk, og oppmodinga er enkel: Ta på deg to ulike sokkar denne dagen.
Låne utstyr heilt gratis?
På BUA Stryn kan du låne utstyr heilt gratis. Der finn du både ski, skøyter, pulk, bæremeis, syklar, soveposar, rulleskøyter, SUP-brett, skateboard, våtdrakter, hjelmar og veldig mykje meir!Manglar du utstyr? Eller er du nysgjerrig på ein ny aktivitet og vil prøve før du kjøpe? På BUA kan alle som vil låne utstyr heilt gratis. BUA i Stryn held til midt i hjertet av sentrum, Perhusvegen 14. Det er Stryn Frivillegsentral som eig og driftar BUA. Tanken med BUA er å redusere forbruk, redusere sosial ulikskap, og å auke aktiviteten for folket! BUA er eit nasjonalt nettverk, og i Noreg har vi over 200 utstyrssentralar som i 2022 bikka ein million utlån!
BUA har ein visjon om å få flest mogleg ut i aktivitet utan å auke forbruket. Det er ingen tvil om at fritidsutstyr set store miljøavtrykk på kloden vår, både med produsering og frakt. Særleg om ein kjøpe utstyr som blir brukt lite. Difor ønskjer BUA å vere eit bærekraftig tilbod, med fokus på inkludering og auka aktivitet.
På BUA kan du lese meir om organisasjonen, og HER kan du sjå oversikt over alt utstyret som Stryn har, og kva som er tilgjengeleg. Dersom du ønskjer å låne mykje, for eksempel til ein klasse eller eit lag/organisasjon, ta kontakt med Marit Skrede i Frivillegsentralen for å gjere ei avtale.
I Stryn er BUA også meir enn ein utlånssentral! Ungdomane som jobbar her på ettermiddagane heldt også ope for sosiale aktvitetar på huset Triangelen. Sjå meir om opningstider og aktivitetar på BUA Event på facebook.
Del på:
Flere nyheter
-
Å stille klokka – kvifor gjer vi det eigentleg?
To gonger i året må mange av oss hugse det same: Klokka skal stillast. Om våren stiller vi klokka fram ein time, og om hausten stiller vi ho tilbake igjen. For mange betyr det ei litt trøytt morgon i mars – og ei ekstra time søvn ein gong i oktober. Men kvifor gjer vi dette, og kva betyr det i praksis?
-
Bli med på vårryddedagen 21. mars
Når snøen smeltar og våren nærmar seg, kjem også mykje av søppelet som har lege skjult gjennom vinteren til syne. Laurdag 21. mars 2026 oppmodar Naturvernforbundet folk over heile landet til å bli med på vårryddedagen – ein dugnad for naturen før fuglane kjem tilbake til hekkeplassane sine.
-
Bli med på årets viktigste søndagstur til inntekt for kreftforskning!
Søndag 15. mars går kreftforeningens innsamlingsaksjon av stabelen! Kreft rører ved svært mange. Nesten alle kjenner nokon som har fått sjukdomen – ein ven, ein kollega eller eit familiemedlem. Difor er engasjementet rundt aksjonen stort, og kvart år bidreg frivillige, bedrifter, skular og lokalsamfunn til å skape merksemd og samle inn midlar.
-
Hovudluskampanje 7. og 8. mars
I veke 10 i 2026 blir den årlege hovudluskampanjen gjennomført over heile landet.