Lørdag 25 Juni 2022

Beinnesklovane , Klovane

Klovane 982 moh i Olden byr på ei fantastisk utsikt over Oldedalen. Turen startar på Oldevatn Camping. Køyr forbi Resepsjonen/ kiosken, parker opp på jordet etter skilta anvisning. Stien er skilta/merka med raud måling heilt til toppen. Turen til Klovane er ein luftig tur med spektakulær utsikt over fjord, fjell, vatn og isbrear. Første 600 høgdemeter går gjennom skog. Turen går gjennom bratt terreng på høgresida av Gjølelva. Mot slutten går ein gjennom eit bratt parti med noko kliving før ein når platået på toppen. Her kan du nyte utsikta frå Rake i nord til Melkevollsbreen i sør.